भावबंध

एकांती मजसी तू भेटलीस जेव्हा
माळले होतेस तू नभातले तारे
बोलतांना प्रीतीचा शब्द-शब्द तेव्हा
तोडले होतेस तू भावबंध सारे


हासुनी हातात तुझा हात मी घेता
वादळात वारा ही हरवुनी गेला
स्पर्श तुझा हळुवार अन्‌ वेडावणारा
जगण्याचा अर्थ नवा सांगुनी गेला


फ़ुलली ती रातराणी मनी तुझ्या तेव्हा
सांग तू होतीस ना सखे लाजलेली
वचन सात जन्मांचे दिलेस तू जेव्हा
दिसली ती सरतांना रात्र जागलेली