नातं

तुझ्या माझ्यातलं नातं
जसा आभाळाचा श्वास
कधी तापलेलं उन
कधी पावसाचे भास

दीपस्तंभ

सार्‍यांनाच प्रवासी होता येत नसतं
प्रेमाच्या प्रवासाला जाता येत नसतं...
लाटांचे धक्के खात जगावंच लागतं
एखाद्याला 'दीपस्तंभ' बनावंच लागतं

बगळा

तळ्याकाठी एक बगळा
सुखात रहात होता...
पाण्यात कोण सुखी आहे
हे दररोज पहात होता

तुला हवं म्हणुन

नजरेत तुझ्या सारंच दिसतंय
तरी तुला हवं म्हणुन
मी विचारल्यासारखं करीन
अन्‌ तू लाजल्यासारखं कर